Geguritan : Layang Tanpa Nyawa

Layang Tanpa Nyawa

Druwang lawas isi mangsi

Katulis jeneng ing rasa

Banyu mili tumetes tekan batin

Wektu ora mung sedela

Rina wengi anggonku ngenteni

Rupa wus ora katon katejan maneh

Ing panyawang mripat dadi wuta

Kegandrungan marang sliramu

Tresna kang gawe gela

Kaya surya ora bakal bisa sesandingan marang candra

Nanging ing njero ngati

Rasa tresna ora bakal ilang

Nalika lelamunan saya buyar

Udan tangis dadi samudra

Layang sing ora bakal tak kirim

Mung siya siya

Dadi sampah kang ora bisa keli

Kaanggit dening : Endah Dwi Purnawati