Resensi : Supernova

SUPERNOVA : KSATRIA, PUTRI, & BINTANG JATUH

Idhentitas Buku :

a. Judhul            : SUPERNOVA : KSATRIA, PUTRI, & BINTANG JATUH

b. Penganggit    : Dewi Lestari

c. Penerbit         : PT Bentang Pustaka

d. Taun Terbit   : 2012

e. Kandel Buku : 322 hlm; 20 cm

f. ISBN              : 978-602-8811-72-9

Ringkesing crita :

Kanggo nepati janji kang wis tau diikrarke, Dimas lan Reuben nggawe karangan, nulis crita babagan tresna kang terlarang. Tulisan mau diweneni judhul 'Ksatria, Putri, dan Bintang Jatuh'. Ing sajroning panguripan, ana tresna terlarang antarane Ferre lan Rana. Crita tresnane Ferre lan Rana iki padha karo dhinamika Ksatria lan Putri kang ana ing crita kang dianggit dening Dimas lan Reuben. 

Ferre yaiku wong lanang kang uripe sukses, nduweni perusahaan kang gedhe. Rana yaiku wartawan kang uwis ngantenan karo Arwin. Ananging Rana ngerasa panguripan karo Arwin ora koyo sing dibayangke. Rana ngerasa ora seneng. Nalika Rana wawancara maang Ferre ana ing perusahaane Ferre, antarane Ferre karo Rana padha-padha seneng marang siji lan liyane. Sawise wawancara kuwi Ferre lan Rana banjur ketemu lan dadi pasangan ana ing mburine Arwin.

Sing dadi tokoh Bintang Jatuh yaiku Diva. Diva nduweni gawean dadi paragawati, nanging sinambi dadi pelacur. Sakjane Diva yaiku Supernova. Ing pungkasan, Rana akhire sadar yen hubungane karo Ferre iku salah, Rana banjur mbalik karo Arwin. Ferre kang semplah atine ketemu marang Diva kang iso ngobati larane Ferre.

Durung ilang kagete Dimas lan Reuben jebul di hubungi karo Supernova, tokoh kang diciptakake Dimas lan Reuben. Jebul Supernova ana ing donya asli. Dimas lan Reuben didadekake uwong kapercayane Supernova. Lebar misi kang dilakokake Diva rampung, Diva banjur lungo. 

Kaluwihaning crita :

• Idhe crita kang apik
• Pamikiran penganggit kang cerdhas

Kekuranganing crita :

• Basa kang digunakake angel dipahami
• Kedadean kang angel ditompo nalar

Simpulan :

Buku Ksatria, Putri, dan Bintang Jatuh iki apik diwoco amarga pamikiran panganggit kang becik lan babagan sedherhana kang ra tau uwong pikirke dijabarake dadi istimewa.