Raden Werkudara satriya Jodipati panenggak Pandhawa armajanira Prabu Pandhudewanata nyata satriya linuwih kekasihing dewa. Gegadhuhan kuku pancanaka, gada Rujakpolo. Minangka sipat kandel ngayomi para kawula. Dhasar satriya utama berbudi bawa laksana. Kagungan garwa tiga : Dewi Arimbi, Dewi Nagagini, Dewi Urangayu. Dewi Arimbi apeputra Raden Gathutkaca. Dewi Nagagini apeputra Raden Antareja. Prandene Dewi Urangayu apeputra Raden Antasena.
Atmaja tetiga darbe watak satriya utama dhasar kekasihing jawata. Sedaya wau dados senapatining negari. Raden Gathutkaca rumeksa ing antariksa. Dene Raden Antareja njaga kawidadaning jroning bantala. Raden Antasena ana ing padharatan.
Raden Werkudara satriya remen mbangunaken tegel, nggenturaken tapa, kathah nugrahaning bathara ingkang sampun tinami Raden Werkudara. Ngantos dumugi tumapaking perang Baratayudha Raden Werkudara bisa amerjaya Prabu Duryudana iku mung tandha naliti bener lan luput. Jaya-jaya wijayanti tetep jaya / unggul para Pandhawa.
0 komentar:
Posting Komentar